Kryedemokrati Sali Berisha ka publikuar një video, ku dëgjohet kryeministri Edi Rama që shprehej krenar për arritjet e AZHBR, si një model i BE-së , ku nuk mund të bëhej korrupsion.
“Nga ky program nuk përfitohet më përmes partisë, nuk përfitohet më përmes parasë” ishin fjalët plot krenari të kryeministrit Edi Rama më 18 maj 2022 për Agjensinë për Zhvillim Bujqësor dhe Rural, skemën kombëtare që ngriti për mbështetjen e bujqësisë, që ironikisht, sot përbën thelbin e korrupsionit, arsyen pse Bashkimi Europian i ndërpreu miliona euro financim, Shqipërisë.
Postimi:
Edi Rama ndihej krenar dhe rrihte gjoksin me AZHBR. Për Ramën, AZHBR ishte model i ‘certifikuar nga BE”, ku nuk përfitohej me korrupsion me taraf partie, kurse sot AZHBR është institucioni i ndëshkuar për korrupsion nga BE dhe për shkak të këtij korrupsioni të saj, BE ndërpreu fondet prej 130 milionë euro për bujqësinë e Shqipërisë. Krifca e AZHBR fondet e BE për fermeret ia dha Zotos të djegsave të qeverisë. Përpara drejt vjedhjeve të reja!
Discussion about this post