Në një intervistë për mediat, ish-kryeministri Sali Berisha pretendon se Lulzim Basha ka pasur si qëllim të bëhej President me ndihmën e kryeministrit Rama. Berisha tha se pasi u pyet për këtë çështje nga zëra të rëndësishëm, doli kategorikisht kundër. Sipas tij, e gjitha kjo bëhej për të vendosur në krye simbolin e të gjitha ligësive në politike.
“Rama rrëmbeu zgjedhjet, tani do rrëmbente postin e Presidentit për Lul Bravën. Shqiptarët duhet dinë. Është pyetur edhe Sali Berisha për atë çështje, si e vlerëson këtë? Kam qenë kategorik. Më kanë pyetur njerëz të rëndësishëm, zëra ndërkombëtarë. Jam përpjekur të shpjegoj se çfarë pasojash do kishte kjo. E tëra kjo bëhej për të vendosur në krye, simbolin e të gjitha ligësive në politike, për veten e tij jo për mua. Nuk e them për besprerjen se është diçka tjetër. Një njeri që s’njeh asnjë lloj standardi në politikën shqiptare është ky asnjë tjetër. E gjitha kjo bëhej, që shpejt e shpejt të zgjidhej Lul Brava president. Sigurisht që unë nuk kisha vota por zëri im ishte i fuqishëm kundër tij. Lul Brava hapi fjalë, çka është krejtësisht e paimagjinueshme, se Rama do bëhet president dhe unë kryeministër. Këto ishin fantazira. Ai çdo ditë bashkëpunëtorëve u servir një gënjeshtër” – tha Berisha.
Berisha gjithashtu ka deklaruar se do të rikthehet në krye të Partisë Demokratike nëse merr besimin e anëtarësisë. Më tej deklaroi se nëse zgjidhet, do i kthejë Partisë Demokratike një fytyrë të re.
Discussion about this post