Kryetari i Partisë Demokratike, Sali Berisha tha sot në një deklaratë për mediat se kryeministri Rama e ka përdorur ish shefin e FBI-së si “vrasës me pagesë” kundër opozitës.
Sipas tij, pas kësaj që ndodhi sot në Parlament ku nuk u zhvillua dot një debat për akuzën ndaj ish zyrtarit të lartë të FBI-së, nuk mund të ketë më punime normale në seancë plenare.
“Parlamenti refuzoi kërkesën legjitime të një grupi deputetësh për të zhvilluar debat për një çështje që ka tronditur gjer në palcë vendet e lira.
Edi Rama ka përdorur McGonigal si vrasës me pagesë për të falsifikuar, për të trilluar kundër opozitës shqiptare. Kjo përbën një megakrim, një krim ndërkombëtar për të cilin ne do të kërkojmë nga autoritetet amerikane që t’i japin dënimin më të rëndë. Deripaska ëhstë një nga kompanitë sot më të fuqishme dhe prezentë në Shqipëri. Është një nga kompanitë e cila ka përfituar statusin e investitorit strategjik, ka përfituar tendera nga FSHZH, ka përfituar tendera për kanalizime. Deripaska është miku numër 1 i Vladimir Putinit, është rekrutuesi i McGonigal. A u takua Rama- McGonigal dhe Deripaska, këto do t’i sqarojë drejtësia.
Ky Parlament nuk zhvillon dot më punime pa u ndalur në diskutimin e kësaj afere të tmerrshme që ka goditur rëndë Shqipërinë në opinionin publik amerikan dhe perëndimor.”, u shpreh Berisha.
Discussion about this post