“Dy ishin motivet që e shtynë Ramën që të zhvillonte kongresin, frika ndaj opozitës dhe mbulimi i aferës së inceneratorëve”, kështu është shprehur ish-kryeministri Sali Berisha në një konferencë për shtyp me gazetarët nga selia e Partisë Demokratike.
“Frika dhe tmerri se mos skapi i opozitës mund të mendonte që t’i afrohej atij apo rrethit të tij më të ngushtë. Mund të imagjinonte të digjte në krahët e inceneratorëve organizatën e kësaj afere. Këto ishin 2 motivet që e shtynë atë të ndërmarrë një shollë të tillë të pazakontë, unik në Europën e sotme, e shtyu nga ana tjetër tmerri që ai nga opozita e vërtetë. Ai e ka kuptuar se loja me opozitën fiktive apo peng opozitën ka marrë fund dhe e di që shqiptarët çdo ditë e më tepër po vendosin që t’i japin përgjigjen e merituar. E dinë se në garat e ardhshme, ai, shqiptarët do ta arkivojnë atë në ndërtesën e harresës së historisë”, shprehet Berisha.
Ndër të tjera ish-kryeministri shprehet se problemi më madhor i Ramës, është se nuk mund të bëjë dot pazare me opozitën.
“Ai ka një problem madhor, me Sali Berishën nuk bën dot pazare të pista. Me Berishën nuk mund të tërheqë zvarrë opozitën. Ky është i gjithë problemi i tij”, shprehet Berisha
Discussion about this post