Kreu i Partisë Demokratike, Sali Berisha jashtë Kuvendit akuzoi kreun e qeverisë, Edi Rama për “bllokimin” e debatit në Kuvend, për ndryshimin e ministrave. Berisha tha se në çdo vend të botës bëhet debat dhe se Rama ka bërë çdo lloj manovre për ta ndaluar një gjë të tillë. Duke e cilësuar si “padrinoja” e Arben Ahmetaj, Berisha tha se Rama ka prekur fondin e Këshillit të Ministrave e cila përdoret për fatkeqësi natyrore.
“Edi Rama shkelmon rregulloren e cila sanksionon debatin parlamentar për programin dhe përbërjen e Këshillit të Ministrave. Sot ndryshon përbërja e Këshillit të Ministrave. Në çdo vend të botës do të bëhej debat, por ai bën çdo lloj manovre për të mbuluar faktin që Edi Rama, është padrinoja e Arben Ahmetaj. Ai të veshë çdo lloj xhakete por qyrkun e hajdutit se heq dot. Edi Rama është shumëfish i Arben Ahmetaj. Ai ka urdhëruar Arben Ahmetaj për prekjen e fondit të Këshillit të Ministrave i cili përdoret për fatkeqësi natyrore.”-tha Berisha.
Discussion about this post