Ish-kryeministri Sali Berisha është ndalur sot në qytetin e Durrësit ku ka organizuar takim me të rinj dhe intelektualë të qytetit bregdetar.
“Sot në vlerësimin tim, në bindjen time, demokratët dhe jo vetëm ata, janë në një mision të një rëndësie të jashtëzakonshme. Misionin e shpëtimit të Shqipërisë, të Durrësit nga rreziqet të cilat në disa aspekte, po të shohim Durrësin, nuk ia kanë bërë as pushtuesit e tij. Ajo që ndodh në Durrës, është një barbari. Ato janë vlera të cilat nuk janë as demokrate, as socialiste, janë vlera të përjetshme, i kanë sjellë durrësakët në shekuj dhe mijëvjeçar. Për shkak të korrupsionit, të vjedhjes, kërkohet që gjithçka të transformohet.”-tha Berisha.
Berisha komentoi dhe ceremoninë në Kryeministri për hapjen e negociatave me BE-në, ndërsa e cilësoi fatkeqësi të madhe ngritjen e flamurit europian nga Rama.
“Edi Rama, sot ngriti flamurin e BE-së, përpara kryeministrisë. Ai flamur, është flamur vlerash. Është flamur i vlerave, i thesareve kulturore. Fatkeqësi më të madhe për atë flamur, se sa ta mbante në dorë Edi Rama, nuk kishte. E kam deklaruar përpara jush. Më 7 korrik e kam shpallur armik. Është armik sepse nuk lejon shqiptarët të votojë.”-u shpreh ish-kryeministri.
Discussion about this post