Kreu I opozitës, Sali Berisha ka vijuar me akuzat e tij ndaj kreut të grupit parlamentar të PD, Enkelejd Alibeaj, duke e cilësuar peng të kryeministrit.
Duke komentuar vendimin e KAS për regjistrimin në zgjedhje të PD së Alibeajt, Berisha bëri akuzën e fortë kur tha se “të pranosh e diskutosh për PD një njeri që nuk është votuar kurrë, çdo individ që i lejon vetes këtë gjë e bën për qëllime të caktuara. Këta janë pengje që zbatojnë vetëm urdhrat e Ramës sepse ai i ka në dorë për vepra kriminale për të cilat mund t’i çojë në burg”.
“Të shpallësh kryetar atë që nuk është kryetar do të thotëe të pranosh të emëruarin e Ramës.
Siç e dini janë shkelur çdo normë e ligj i këtij vendi dhe i këtij narko-shteti. Të pretendosh se Alibeaj që nuk është votuar e as emëruar kurrë, nuk është votuar në asnjë forum të partisë, e nuk guxon të votohet se nuk merr asnjë votë për kryetar, që e ka shndërruar veten në një peng lëvozhgë të Ramës, këtë e bën vetëm Rama.
Kjo do të thotë të kthehesh te opozita e emëruar. Ka një vendim gjykate që është në fuqi akoma deri sa të zbardhet vendimi, që Berisha është kryetar partie, por këtu nuk kanë rëndësi ligjet, por tmerri shpirtëror që ka Rama pasi mendon se përmes Alibravës e Alibashës mund të shpëtojë nga 14 Maji.
Për Alibeajn s’ka asnjë vendim gjykate, por ky është një pseudo shtet.
Ka rregulla të prera statutore, por ka një gjë, është vegël i kapur peng në krim nga Edi Rama dhe ky është problemi i tij, s’ka lidhje me PD, Basha e AliBrava s’kanë lidhje me PD janë të dy pengje të Ramës dhe Rama i përdor ata në mënyrën më të pamëshirë.
Anëtarët e PD e kanë këtu selinë dhe PD ka vetëm një, ata të cilët mendojnë ndryshe janë të detyruar nga propaganda e Ramës.
Të pranosh e diskutosh për PD-në një njeri që nuk është votuar kurrë, çdo individ që i lejon vetes këtë gjë e bën për qëllime të caktuara.
Këta janë pengje që zbatojnë vetëm urdhrat e Ramës, sepse ai i ka në dorë për vepra kriminale për të cilat mund t’i çojë në burg.”, tha Berisha.
Discussion about this post