Ish-kryeministri Sali Berisha ka garantuar qytetarët se do numërohet çdo votë e tyre dhe do bashkëpunohet ngushtë me ndërkombëtarët gjatë këtij procesi. Në një konferencë për mediat, ai theksoi se “Rama do bëjë gjithçka për të keqnumëruar, por syri i vëzhguesit do numërojë çdo votë, është i pashpresë”.
“Vëzhguesit tanë do të numërojnë çdo votë. Jam i sigurt që asgjë s’do mund të pengojë fitoren e kandidatëve tanë. Ka një vëzhgim ndërkombëtar intensive dhe do ketë bashkëpunim të ngushtë me vëzhguesit ndërkombëtar të procesit të numërimit.
Jam i sigurt që aty ku janë do numërohet çdo votë. Rama do bëjë gjithçka për të keqnumëruar, por syri i vëzhguesit do numërojë çdo votë. Është i pashpresë, janë zgjedhjet e para që bëhen në këtë mënyrë.
Alibeaj faktoi që janë pengje mjerane të Ramës, e faktoi vetë ai, janë të dy pengje në lidhje krimi me Edi Ramën. Kur të dojë Rama ia çon dosjen në gjykatë, shkon 6 vite aty ku e përcakton ligji.
Ai tjetri ka vëllain grabitës me armë në Gjermani dhe Rama ia fsheh këto, ky nuk bën publike duke treguar se ka bashkëpunim me vëllain tim.”
Discussion about this post