Kryetari i opozitës, Sali Berisha duke folur për gazetarët jashtë parlamentit, u shpreh se, sipas ish-presidentit të Dhomës Amerikane të Tregtisë, Marc Crawford, pas ndërhyrjes së Charles McGonigal, Edi Rama ua hoqi fushat e naftës amerikanë dhe ua dha rusëve të GazProm.
“Ju e morët vesh besoj, se McGonigal është ndërmjetësi i tre fushave të naftës për Gazpromin me Edi Ramën. E morët vesh se si i kanë përzier aksionet Edi Rama me McGonigal.
Dhe këtë nuk e deklaron një njeri dosido, por e deklaron ish-presidenti i Dhomës Shqiptaro-Amerikane të tregtisë që ka qenë këtu në atë periudhë. Se si fushat e naftës iu hoqën kompanive amerikane dhe ju dhanë kompanive ruse.
Çdo ditë po dalin të dhëna të cilat e fundosin Edi Ramën në mënyrë përfundimtare dhe unë shpreh bindjen e plotë se do të ketë të pashmangshëm, fatin e McGonigal”, tha Berisha.
Discussion about this post