Kryetari i opozitës, Sali Berisha tha se Rama po përpiqet që të paraqitet si kokë turku në rastin e skandalit me McGonigal.
Teksa i referohet mediave të huaja dhe deklaratës së ish-kreut të Dhomës Amerikane të Tregtisë, Mark Craëford, Berisha u shpreh se Rama ka marrë para nga ruset së bashku me Deripaskën për t’ia hequr fushat e naftës amerikanëve dhe për tia dhënë Gazpromit rus.
Berisha u shpreh se do të jenë qytetarët shqiptarë që do paguajnë për këto vendime rreth 300 mln euro gjobë në arbitrazhin ndërkombëtar.
“Po e damkosin me epitete nga më të rëndat. Afera McGonigal ishte Colpo di grazia, mbi një kapo meduze.
Rama u tha këto ditë mediave të huaja se ai në aferën e McGonigal ishte koka e turkut. E kupton vetë që ka marrë fund, por përpiqet të paraqitet si kokë turku.
Si qenka koka e turkut, është fajtor përgjegjës bashkë me Deripaskën për qëllime të ndryshme në rekrutimin e kryezbuluesit të SHBA.
Të dhëna tronditëse ka sjellë dje në media së ish-kreu i Dhomës Amerikane të Tregtisë, Mark Craëford. Ai tha se të dy këta, Rama dhe Mcgonigal në bashkëpunim kanë përzënë nga fushat e naftës amerikanëve dhe për t’ia dhënë Gazpromit rus.
Ju e dini që Deripaska ka marrë deri në 2022 pagesa, ndër të tjera edhe investitor strategjik. Por përzënia e investitorëve amerikane dhe zëvendësimi i tyre me investitorë rus, përveç orientimit strategjik shumë të gabuar dëshmon se Rama dhe McGonigal kanë marrë valixhe me para ruse, janë paguar për licencat në të gjithë këtë aferë. Ata që kanë humbur janë qytetarët shqiptarë që do paguajnë për këto vendime rreth 300 mln euro gjobë në arbitrazhin ndërkombëtar”, tha Berisha.
Berisha po ashtu u shpreh entuziast për fitoren e opozites me 14 maj:
“Ka një optimizëm të madh për fitoren e opozitës më 14 maj. Kudo që shkoj dhe gjatë javës që lamë pas, fundjavën e kaluar unë kam bërë takimet me entuziaste.
Pranvera do të jetë pranverë e fitores, ndonëse këto janë zgjedhje lokale, por është pranverë e fitores mbi monizmin.
Qytetarët shqiptarë po kuptojnë cdo ditë se cili është morali, cili është karakteri i atij që është sot kryeministër, i cili është shndërruar de facto në turpin e Shqipërisë dhe trupin e botës së lirë. Është shndërruar në një njeri pa shpresë, për të cilin media e botës po shprehin çdo ditë neverinë ndaj tij.”
Discussion about this post