Berisha: Rama po paguan shuma të jashtëzakonshme për të ndryshuar raportin e komunitetit ndërkombëtar, por…

Kreu i Partisë Demokratike, Sali Berisha është shprehur në konferencën me gazetarët se për largimin e Edi Ramës, ka vetëm një rrugë, që është qeveria teknike dhe përsëritja e zgjedhjeve.

Berisha ka hedhur akuza se kryeministri Edi Rama po paguan, sipas tij, shuma të jashtëzakonshme për të ndryshuar raportin e komunitetit ndërkombëtar.

Berisha theksoi se Rama po bën telefonata të pafundme, por sipas tij, nuk do t’ia arrijë.

“Raporti do të jetë pasqyra më e vërtetë e kësaj farse për të cilën fjalën do e kenë shqiptarët”, theksoi ai.

Pjesë nga fjala

Për sa u përket etiketave që përdori Edi Rama, unë i them kaq, që e ka futur vendin në një fazë të re si kurrë më parë në 32 vite.

Sikundër shpreh bindjen dhe besimin tim se raporti i komunitetit ndërkombëtar, kundër të cilit Edi Rama po paguan shuma të jashtëzakonshme për ta ndryshuar, telefonata të pafundme, por nuk do t’ia arrijë.

Raporti do të jetë pasqyra më e vërtetë e kësaj farse, për të cilën edhe njëherë, fjalën do e kenë shqiptarët.

Ka vetëm një rrugë, largimin e Edi Ramës, qeveri teknike dhe përsëritjen e zgjedhjeve.

Asnjë alternativë tjetër nuk shpëton shqiptarët nga farsa elektorale e instaluar në Shqipëri.