Kreu demokrat Sali Berisha u shpreh pasditen e sotme se beteja për qeveri teknike do të vazhdojë, ndërsa akuzoi Kryeministrin Edi Rama se ka transportuar drogë me ‘Ismailin’ e tij.
“Edi Rama me avionin e tij privat, rezulton se ka udhëtuar 3 gjer në 7 herë më shumë se çdo kryeministër në Europë, Azi, Afrikë dhe Oqeani. Çfarë janë këto udhëtime? Janë një pjesë për punë. Të tjerat janë udhëtime transporti.
Gjerësisht thuhet se me ‘Ismailin’ e tij, se i ka vënë emrin e Ismail Qemalit ky hajdut që ka vetëm veten shok në histori, transportohen tonelata drogë.
Transportohen tonelata euro të vjedhura. Transportohen tonelata narkoeuro.
Ndaj dhe në 18 muaj, 140 udhëtime.
Ndaj dhe emërohet Taulant Balla për të shkatërruar TIMS-in në mënyrë që të mos gjenden gjurmët e këtyre udhëtimeve. Por ja ku ia them këtu, se ai do hetohet për secilin prej këtij udhëtimi”, tha Berisha.
Ish-Kryeministri u shpreh se me valixhet diplomatike të “Ismailit” transportohen drogë, krim, krim, drogë.
“Sonte jam këtu t’i them Edi Ramës se nuk ka forcë në botë që të shpëton nga drejtësia. Se krimi yt në Shqipëri dhe botë do ndëshkohet me forcën më të madhe të ligjit”, tha Berisha.
Discussion about this post