Opozita shqiptare duhet të largojë me çdo mjet të mosbindjes civile Edi Ramën si Kryeministër, pasi me atë në këtë post nuk ka zgjedhje të lira. Kështu u shpreh kreu demokrat, Sali Berisha, në një komunikim përmes rrjeteve sociale me qytetarët.
Berisha tha se është rikthyer në krye të opozitës jo për çështje personale, por që opozita të fitojë zgjedhjet, që Edi Rama dhe vrasësit e hanxharët e tij, që përdor për zgjedhje, të përmbysen në mënyrën më të paimagjinueshme.
Berisha tha se është i bindur që beteja me Ramën, patronazhistët, vrasësit dhe hanxharët e tij do të fitohet nga opozita, pasi e drejta është në anën e saj.
“Nuk do të harxhoja qoftë edhe 1 minutë kohë nëse nuk do të isha i bindur se ne do të fitonim. Të jeni të bindur se gjithçka është në dorën e qytetarëve, në dorën tonë, pasi mosbindja civile do e përmbysë Edi Ramën dhe bandën e tij. Nuk do të arrijmë të votojmë kurrë të lirë nëse nuk do të përmbysim diktatorin Edi Rama”, tha Berisha.
Discussion about this post