Kreu demokrat Sali Berisha paralajmëroi Kryeministrin Edi Rama se do të përballet me qindra mijëra njerëz që janë të gatshëm të mbrojnë shtetin e Kosovës, nëse ai nuk do të heqë dorë nga ndërhyrja në punët e brendshme të Kosovës.
Nga studio e emisionit “Open”, Berisha tha se “misioni i Edi Ramës” do të marrë fund shpejt, ndërsa tha se ky i fundit, gjatë Samitit të Berlinit në Tiranë, e krahasoi Kosovën me Palestinën.
“Edi Rama përfaqëson tradhtarin e këtij kombi, më të poshtër në të gjithë historinë, tradhtarin e Shqipërisë, më të rrezikshëm dhe të poshtër që ekziston në histori. Ka kthyer Tiranën në një Beograd të dytë, por e garantoj se kjo do të marrë fund shpejt.
Ky është vërsulur me një mision, se ky është mision, i detyruar nga Vuçiç në mënyrë më të egër se vetë ai, e krahasoi në prani të Samitit, me Hamsin.
Ky përdori pardje në Samit tezën më të rrezikshme serbe kundër Kosovës, Palestina jonë! Serbët, para gjithë botës kur shtypin shqiptarët e Kosovës, u thonin se ai është Jerusalemi jonë, dhe Rama e krahasoi me Palestinën Kosovën.
Edi Rama do përgjigjet. Tani të presë përgjigjen! Ose Rama do heqë dorë përfundimisht nga ndërhyrja në punët e brendshme të Kosovës, ose janë këtu përveç qarkut të tërë të Kosovës, janë qindra mijëra të tjerë që do mbrojnë Kosovën. Që do të thotë, nuk do mund ta bëjë, e paralajmëroj!”, tha Berisha.
Discussion about this post