Pasi mori fjalën në Kuvend, ish-kryeministrit Sali Berisha ironizoi kryeministrit Edi Rama duke e falenderuar për deklaratën e tij se nëse ai vjen në krye të PD, PS nuk do të bashkëpunojë me ta.
Berisha gjithashtu i kujtoi kryeministrit incidentin në avionin në Gjermani, ku ai u nxorr jashtë pasi refuzonte të mbante maskë, duke thënë se pasagjerët atje ishin tmerruar pasi mendonin se ishte terrorist.
“I turpshëm ishte akti yt, unë kërkova fjalën për replikë, dhe rregullorja më jep të drejtë, po vazhdove në këtë mënyrë, do marrësh përgjigjet më të merituara. Të dashur qytetarë dhe qytetare, jam këtu për të falenderuar për herë të parë Edi Ramën, i cili deklaroi se nuk do të bashkëpunojë me mua, do të vazhdoj betejën time, derisa të marrë atë që meriton. Jam këtu për një projekt mafioz, si tenderat në kryeministri, opozita nuk mund të marrë pjesë, ky është kryeministri i parë në botë që nxirret me dhunë nga avioni, pasagjerët panë tmerr, me sy. Kur e panë që nuk kishte hekura në dorë, u tmerruan dhe më shumë, e morën si përfaqësues të një organizate terroriste”, tha Berisha.
Discussion about this post