Kryetari i PD, Sali Berisha, gjatë një konference për shtyp akuzoi kryeministrin Edi Rama se po e trajton Shqipërinë si një pronë private dhe se po favorizon investitorë të caktuar përmes projekteve të mëdha turistike.
Berisha deklaroi se në librin që ai e quajti “Dosja”, të publikuar së fundmi nga media, parashikohen 523 resorte, hotele dhe zhvillime turistike në zona të ndryshme të vendit.
Sipas Berishës, këto projekte do të përfitojnë përjashtim nga taksat për një periudhë 10-vjeçare, çka ai e konsideroi një praktikë të padrejtë dhe në kundërshtim me interesat e qytetarëve shqiptarë.
Berisha kritikoi gjithashtu lehtësitë fiskale që, sipas tij, u jepen investitorëve të mëdhenj, duke përmendur edhe çmimin e karburantit për sektorë të caktuar.
Sipas tij, ndërkohë që fermerët shqiptarë përballen me kosto të larta, investitorë të fuqishëm përfitojnë privilegje të shumta.
Berisha: Edi Rama e trajton Shqipërinë si një sulltanat të tij, si një pronë private dhe regjimin e tij si një regjim kolonial ndaj shqiptarëve.
Mediat kanë zbuluar librin famëzi Dosja, në të cilin Edi Rama parashikon, ka projektuar 523 resorte, hotele, zhvillime në zonat turistike.
Nga të cilat, njëlloj si të ishte pronë e tij, përjashton tërë këtë infrastrukturë gjigante 10 vite nga taksat.
A ka shfrytëzim më të egër se ky?
Ky është sistem tipik kolonial.
Nuk ka asgjë të përbashkët me ligjin themelor të shtetit, Kushtetutën, por edhe ligjin ndërkombëtar të investimeve.
Të imagjinosh zhvillimin e dhjetëra dhjetëra milionë metër katror troje të zonave më turistike, si butikët në aeroport pa taksa, do të thotë të vendosësh atë sistem nga i cili njerëzimi është ndarë prej kohësh.
A mund të imagjinoni ju?
Shqipëria është nga më të paktat vende në punë ku miliarderët vijnë dhe marrin miliona litra naftë me një të katërtën e çmimit që blen fermeri shqiptar.
Dhe tani në librin e tij, Edi Rama, të mbajtur sekret ndaj shqiptarëve, të papublikuar ndonjëherë, rreshton 523 projekte për zhvillim, ndërtim në të katër anët e vendit.
Discussion about this post