Sali Berisha është rikonfirmuar në postin e kreut të PD-së, ndërsa pro tij votuan 938 delegatë nga 1000 që morën pjesë në votim.
Ivi Kaso, në një prononcim për mediat, nga se në kutitë e votimit janë gjetur 1000 fletë votimi, nga të cilat 7 kanë dalë të pavlefshme.
Kaso tha se gjithashtu 55 delegatë kanë votuar kundër rikonfirmimit të Berishës në postin e kreut të PD-së, ndërsa pro tij votuan 938 delegatë.
Kuvendi Kombëtar i PD-së u thirr për miratimin e një rezolutë, ku përcaktohet vijimi i aksionit opozitar, por edhe kërkohet krijimi i një fronti të vetëm kundër atij që quhet si regjimi i Edi Ramës.
“Në përfundim të procesit të numërimit është hartuar procesverbali përfundimtar dhe përmbledhës i këtij procesi, i cili përmban këto shifra.
Numri i votuesve sipas listës së zgjedhësve, votuesve që u identifikuan që ishin në sallë, ishte 1203.
Rezulton se numri i votuesve që kanë votuar është 1000, sa është edhe numri i fletëve të votimit që u gjetën në 6 kutitë e votimit.
Numri i votave të vlefshme është 993, 7 vota të pavlefshme.
Ndarja e votave është si më poshtë, kanë votuar pro 938 delegatë, kanë votuar kundër 55 delegatë.
Në bazë të nenit 46 pika 9 e Statutit të Partisë Demokratike të Shqipërisë, rezulton se Sali Berisha është rikonfirmuar në krye të partisë”, tha Ivi Kaso.
Discussion about this post