Ish-kryeministri Sali Berisha duket se nuk është mjaftuar me protestën e 8 janarit duke bërë sot sërish thirrje për protesta të tjera. Duke folur nga Lezha ai ka thënë se, mbështetësit e tij nuk do të ndalen me kaq, por do të zhvillojnë protesta edhe më të mëdha.
“Qëllimi ynë më 8 janar ishte që të nxirrnim kriminelët nga shtëpia. Natyrisht ta nxirrnim nga zyra pengun e turpshëm, njeriun më të degraduar në historinë politike shqiptare. Këto ditë doli se gjithë ai sulm ndaj selisë, ndaj demokratëve, gjithë ato mijëra bombola gazi e helmesh toksike, pluhurash toksike, të përgatitura nga trafikantë dhe vrasës në seli, kishin si qëllim, përsëri vjedhjen, vjedhjen dhe vetëm vjedhjen. Mos e harroni këtë. Duhet të jemi të gatshëm për protesta më të fuqishme se ajo e 8 janarit. Axhenda jonë është liria dhe vetëm liria”, tha Berisha.
Kujtojmë se protesta e 8 janarit ishte e dhunshme dhe është kritikuar nga ndërkombëtar dhe politikanët e tjerë vendas gjithashtu.
Discussion about this post