Ish-Kryeministri Sali Berisha i ka drejtuar një sfidë publike Kryeministrit Edi Rama, të cilin e fton në një debat publik.
Kjo nuk është hera e parë që Berisha sfidon Ramën për një debat, ndërsa Kryeministri ka zgjedhur rrugën për të mos bërë pjesë të debatit ish-Kryeministrin apo mbështetës të tij në Grupin Parlamentar, duke i etiketuar si mbështetës të “non grata-s”.
“Të vijë të ulemi bashkë. Unë jam ish-kryeministër, ai është kryeministër. T’u tregojmë shqiptarëve se sa kanë marrë nga fondet publike familjet e Sali Berishës dhe familjes së Edi Ramës. Nëse ulemi ballë për ballë, ai del hajduti më i madh në historinë e këtij vendi”, tha Berisha.
Në vazhdën e kësaj deklarate, Berisha thotë se kjo është arsyeja se përse Rama mohon ngritjen e Komisioneve Hetimore.
“Këto dokumente dhe fakte tregojnë se pse Edi Rama mohon të drejtën themelore kushtetuese të deputetëve të opozitës për ngritjen e Komisionit Hetimor Parlamentar. Kjo sepse ky komision do të tregojë se si është shfrytëzuar pushteti i thjeshtrit për t’u pasuruar vajza e familjes”, tha Berisha.
Discussion about this post