Etrit Berisha foli për mediat pas ndeshjes Çeki-Shqipëri, takim që u mbyll në barazim 1-1 duke bërë që kuqezinjtë të marrin një pikë shumë të rëndësishme për garën që të çon në fazën finale të Euro 2024. Gardiani i kuqezinjve u shpreh se kombëtarja ka një frymë pozitive dhe se kanë mësuar shumë nga problemet në vitet e fundit.
Pjesë e skuadrës që shkoi në Europian, a të ngjason kjo atmosferë me atë kohë?
“Grupi është i mirë dhe çunat e trajneri po bëjmë një punë shumë të mirë. kemi mësuar edhe nga vitet e kaluar, sidomos dy vitet fundit. Kemi qenë në një pikë jo të mirë, kemi pasur objektiv për të formuar një grup të fortë. Kemi më shumë kualitet se herën e kaluar dhe duke u bërë grup mund të bëhemi më të fortë”.
Atmosfera në dhomat e zhveshjes?
“Ishim pak të lodhur, por edhe të kënaqur me paraqitjen. Rruga është e gjatë kemi më pak se 48 orë për ndeshjen e radhës, duhet të konsolidojmë forcat dhe do të jetë një betejë për kualifikimin, duhej një ndeshje e tillë si kjo e sotshmja, kishim përballë një ekip të fortë fizikisht, por bëmë të gjitha ato që përgatitëm”.
Kush qëndron jashtë Polonia apo Çekia?
“Nuk më intereson fare, shpresoj të jemi ne që kualifikohemi. Duhet të paraqitemi mirë dhe shpresoj të fitojmë ndeshjen e radhës”.
Goli i çekëve, i pambuluar lojtari që shënoi?
“Kur luajmë para jemi shumë mirë dhe kemi kualitet, u surprizova sepse ishte edhe fillimi i pjesës së dytë. Duhet korrigjuar dhe të mos e përsërisim në ndeshjen e radhës”, u shpreh Berisha.
Discussion about this post