Kryetari i PD-së, Sali Berisha përmes një reagimi në rrjetet sociale shprehet se Shqiptarët e Luginës së Preshevës janë sot qytetarët më të shtypur dhe më të diskriminuar në Europë.
Kryedemokrati gjithashtu shprehet se PD mbështet plotësisht kërkesat e drejta të shqiptarëve të Luginës së Preshevës.
Protestë e shqiptarëve të Luginës së Preshevës për Dinjitet dhe Identitet.
Deklaratë e Partisë Demokratike
Shqiptarët e Luginës së Preshevës janë sot qytetarët më të shtypur dhe të diskriminuar në Europë.
Ata vuajnë egërsinë e rracizmit të regjimit të Beogradit ndaj tyre që bënë gjithçka për largimin e tyre nga trojet e tyre shekullore.
Partia Demokratike e Shqipërisë mbështet plotësisht kërkesat e drejta të shqiptarëve të Luginës së Preshevës për Dinjitet dhe Identitet dhe i bën thirrje autoriteteve të Beogradit të respektojnë të gjitha detyrimet që rrjedhin nga Konventa Europiane e të Drejtave të Minoriteteve që Serbia ka firmosur dhe të ndalojë çdo formë diskriminimi të shqiptarëve në trojet e tyre shekullore të Luginës së Preshevës.
gijotina.com/
Discussion about this post