Kryedemokrati Sali Berisha, tha se skulptori që i ‘dha’ Skëndërbeut fytyrën e Ramës, nuk është gjë tjetër veçse një lake i Ramës, që përdhosi heroin kombëtar.
Berisha e cilësoi Ramën, një faqezi që përpiqet të luajë me simbolet e kombit, ndërsa e paralajmëroi së do t’i kundërpërgjigjet ashpër kësaj loje të tij.
Sipas Berishës, ajo çfarë ndodhi me bustin e heroit kombëtar, është një ftesë ndaj çdo shqiptari në beteja dhe sakrifica për arritjen e fitores.
“Edi Rama është kryehajduti i kohërave, është njeriu që përdhos votën e lirë, dinjitetin, kombin dhe simbolet e tij. Përdhosi më në fund edhe heroin tonë kombëtar, duke gjetur një lakej skulptor që i jep Skënderbeut fytyrën e Edi Ramës dhe e transformon në Car Stefan Dushan.
Edi Rama, mos luaj me simbolet e kombit, sepse do marrësh çdo përgjigje që meriton!
Skënderbeun, o faqezi, nuk e luajti, nuk e ndryshoi as babai yt shpirtëror, Enver Hoxha. Dole ti, bastard, pinjoll të vësh surratin tënd të pisët në figurën epike të Skënderbeut.
Edi Rama je një anti-shqiptar që në gjakun tënd nuk gjendet një qelizë shqiptare.
Atë që i ke bërë ti Skënderbeut, heroit të kombit është akt poshtërimi për çdo shqiptar. Fytyrën e një tradhëtari i ke vendosur heroit tonë, e një trafikanti, e një mashtruesi, e një njeriu që nuk asgjë shqiptare në qënien e tij, e një armiku të egër, e një Pashiqi të vërtetë shqipfolës.
Ndaj miqtë e mi, kjo betejë na fton ne guxim, na fton për sakrifica, na fton për fitore”, u shpreh Berisha.
Discussion about this post