Kreu i PD Sali Berisha në fjalimin në parlament tha se MCGonigal dhe Rama ishin të zhytur gjer në grykë në veprimtari sekrete dhe të paligjshme. Berisha theksoi se socialistët janë të gjithë nën hetim.
Berisha: Shqiptarët e panë, se këtu pak kohë më parë, pikërisht personi që i lëshoi karrigen McGonigalit aty sipër, foli si një kufomë e pakalluar. Foli dhe iku si hije sepse kështu është.
McGonigal dhe Rama ishin të zhytur gjer në grykë në veprimtari sekrete, të paligjshme. Unë nuk kam fakte të zbërthej veprimtarinë e tyre sekrete po kjo gazetë që ika nxjerrë ka pasur informacione të sakta për llumin që lidhte McGonigalin dhe Edvin Gonigalin.
Askush të mos mendojë se mund të mashtrojë shqiptarët. Dua t’ju informoj se ka dy dokumente zyrtare, njëri në shtator të vitit të kaluar. Është një vendim gjykate për të hetuar çdo gjë rreth Edi Ramës, çdo sms, çdo telefonatë me këdo që ai ka pasur, me cilindo në botë.
Dhe ky urdhër ju përfshin të gjithë ju, s’po të them je i ndershëm apo i pandershëm, por ja ku e ke. Më falni, se mos mendoni që nuk e kam. Secili prej jush është në hetim, ndaj dhe më mirë mendoni se absolutisht nuk do të shpëtoni. E pamundur që ju në gjithë këto komunikime të mos keni kryer vepra të përbashkëta me Ramën.
Discussion about this post