Ish-Kryeministri Sali Berisha deklaroi mbrëmjen e së mërkurës se SPAK ka çelur hetime për ish-deputetin Belind Këlliçin vetëm pse ka denoncuar vjedhjen e shekullit nga Rama dhe Veliaj, aferën e inceneratorëve.
Berisha tha se deputetët e opozitës, eksponentë kryesorë të saj, vihen në përgjime, vihen në hetime vetëm e vetëm për deklaratat që bëjnë, për të vërtetat që i përplasin në fytyrë, kreut të organizatës kriminale të qeverisë shqiptare.
“Sot mediat njoftojnë se grupi i strukturuar kriminal me në krye Dumanin e partisë në SKAP, kanë çelur hetime për Belind Këlliçin, vetëm e vetëm pse ai dënon çdo ditë firmat në vjedhjen e shekullit të Edi Ramës dhe Erion Veliajt dhe amnistinë kriminale të Damanit dhe Krajës ndaj tyre.
Edi Rama, një proces të hapur ke në Uashington. Siç njoftoi radio publike e SHBA, akuza është tmerrësisht e rëndë.
Ke korruptuar njeriun që me ligjin amerikan, me misionin e tij, kishte për detyrë të mbronte SHBA nga korrupsioni.
Një akt të tillë ndaj një vendi mik nuk e ndërmarrin kurrë partnerët, e ndërmarrin vetëm armiqtë e saj”, tha Berisha.
Discussion about this post