Ish-kryeministri Sali Berisha në “Foltoren” e mbajtur në qytetin e Librazhdit i është përgjigjur akuzave të kreut të PD Lulzim Basha se Suel Çela ka bërë presion ndaj anëtarëve për t’u marrë firmat.
Berisha tha jo vetëm se nuk ka lidhje me Çelën por e ka denoncuar më shumë nga të gjithë. Madje ai tha se Basha e ka marrë në telefon ku i ka kërkuar që mos t’ia përmende emrin gjatë denoncimeve.
“Basha bëri fjalë për lidhje të krimit me mua dhe Foltoren. Secili prej jush të vijë dhe të shkruajë emrin: Suel Çela. Do t’ua tregoj se është më rëndësi. Ja ku dalin 26 statuse në Facebook-un tim. E kam denoncuar atë unë më shumë se të gjitha mediat. Merrni pak Bashën, po ia ka përmendur emrin njëherë. Merrjani tabulatet që më thoshte mua: Aman mos ia përmend emrin. Ja ku e keni pra. I ka ngelur vetëm shpifja dhe trillimi” – tha Berisha.
Ish-lideri i PD gjithashtu komentoi dhe deklaratën e Bashës ku tha se ka marrë ftesë për të shkuar në Amerikë. Berisha tha se në Shtëpinë e Bardhë ka shkuar edhe Sajmir Tahiri me dosjet e Habilajve, Basha shkon me dosje po kaq të rënda.
“Sot tha se ka marrë ftesë për në Amerikë. Lulzim në Shtëpinë e Bardhë shkoi dhe Saje Qorri. Shkoi me dosjen Habilaj në kurriz. Ti shkon aty me dy dosje po kaq të rëndë. Me dozjen Muzinë dhe Toyota Yaris. Këtë të dytën e ndan me Taulant Ballën. Tre vjet më parë nuk shkoi, po të vinte do të arrestohej iu tha demokratëve që dolën ta prisnin. Dosja Muzinë është e rrezikshme për peng Bashën. Ne jemi në një moment jetik për pluralizmin. Foltorja është shndërruar në një uragan” – ka thënë Berisha.
Discussion about this post