Ditë e djeshme, gjatë një interviste televizive, Ish-Kryeministri Sali Berisha foli me një gjuhë të ashpër kundër ambasadores amerikane, Yuri Kim. Ai akuzoi atë se gënjeu ku i tha shqiptarëve se zero vendime “non grata” janë kthyer mbrapsht, pasi sipas tij ka të tillë. Në lidhje me këtë deklaratë të tij ka reguar ditën e sotme Uashingtoni
Një zëdhënës i Departamentit të Shtetit deklaroi në një prononcim për RTSH se vendimet për shpalljen “non grata” merren vetëm nga Departamenti i Shtetit dhe ato nuk kanë kufizime në kohë, domethënë nuk ndryshojnë nga një administratë në tjetrën. Duke ia bërë të qartë se nuk ka më kthim prapa.
“Z. Berisha u përcaktua sipas nenit 7031(c) të Ligjit vjetor për Buxhetin për shkak të përfshirjes se tij në korrupsion të konsiderueshëm në cilësinë e tij zyrtare si Kryeministër i Shqipërisë. Përcaktime të tilla nuk janë të kufizuara në kohë. Në përgjithësi, kur një individ përcaktohet sipas seksionit 7031(c), ai individ nuk do të jetë i përshtatshëm për të përfituar një vizë për të udhëtuar në Shtetet e Bashkuara” tha zëdhënësi.
Kujtojmë se dhe Kim në deklarata që ka bërë është shprehur se DASH nuk tërheq vendimin “non-grata” për asnjë person që është futur tashmë në listën e zezë.
Discussion about this post