Ish kryeministri Sali Berisha ka folur me tone të ashpra në Kuvend duke akuzuar qeverinë se buxheti i vitit 2022 ishte buxheti i vjedhjes së 122 miliard lekëve nga mazhoranca.
Berisha tha nga foltorja e Kuvendit se qeveria ka vjedhur 122 miliard lekë, 30% më shumë se të gjitha rrogat që merren në republikën e Shqipërisë, ndërsa foli dhe për tenderat pa garë.
“Sot, diskutohet këtu për buxhetin e vitit 2022. Çfarë ishte ky buxhet sipas të dhënave strikt zyrtare. Ishte buxheti i vjedhjes së 122 miliard lekëve nga këta që qëndrojnë pas shpinës time. Nuk është shifër që del nga opozita por nga institucioni i këtij vendi. Keni vjedhur 122 miliard lekë, 30% më shumë se të gjitha rrogat që merren në republikën e Shqipërisë. Keni vjedhur në 9 muajt e parë të vitit 2022. Keni vjedhur më shumë se të gjitha pensionet në Shqipëri. Keni vjedhur sepse nga 20 tendera sekretë që janë zhvilluar në 8 vite keni zhvilluar 280 tendera sekrete, keni vjedhur sepse 30% të tenderave i keni dhënë atij që keni dashtë pa garë. Keni vjedhur sepse 61% të tenderave ua keni dhënë atyre që ua kanë pru ofertën më të lartë. Ku janë hajdutët, pse nuk janë këtu. Kush i vjedh këto? Cili e bën këtë? Kush e blen energjinë me 40 euro dhe e rishet me 150 euro”, tha Berisha.
Discussion about this post