Pas Tiranës, turi i foltores së Sali Berishës ditën e sotme po zhvillohet në Mirditë. Gjatë fjalës së tij Berisha ka shigjetuar sërish lëvizjen e Ervin Salianjit.
Sali Berisha deklaroi se Partia Demokratike do të mbetet një forcë politike e hapur, ku secili anëtar ka të drejtë të shprehë lirshëm mendimet dhe kritikat e tij, por gjithmonë duke respektuar rregullat e brendshme të partisë.
Ai theksoi se diskutimet dhe debatet duhet të zhvillohen brenda forumeve, pa tentativa për imponim. Berisha i bëri thirrje demokratëve që të votojnë të lirë, por edhe të kontribuojnë që listat e zgjedhjes të jenë sa më të sigurta dhe transparente.
‘Ne do jemi dhe do mbeti parti e hapur. Jemi dhe do mbetemi parti e fjalës së hapur, çdo njeri do të ketë të drejtë të kritikojë e të thotë fjalën e lirë por duhet respektuar rregullat, jo të imponohet, çdo gjë duhet të thuhet brenda forumeve. Secili të votojë i lirë, por secili duhet të mendojë që procesin që zbatuam së bashku të jetë sa më solid, listat janë tuajat, duhet të mendojmë si ti bëjmë sa më të besueshme nga secili prej nesh, listat janë tuajat jo të Tiranës’, tha ai.
Berisha e ka cilësuar këtë si foltorja e jetës së tij tij dhe se do të shpëtojë demokracinë. Berisha vijoi akuzat në drejtim të kryeministrit Rama të cilin e cilësoi si armikun e Shqipërisë.
‘Kjo është foltorja e jetës sime, është për demokracinë dhe për Shqipërinë. Në 10 vite jemi shpërbër sa kurrë në ekzistencën rone. Diskrimimi që i ka bërë Rama Mirditës dhe veriut nuk ia ka bërë askush më parë. Pa investime në Mirditë, Kukës në Tropojë në Peshkopi, kurse motra e Tërmet Peçit kishte marrë 60 e ca milionë euro tendera. Ja ky është Edi rama për mirditorët dhe për banorët e veriut. Një armik, një armik në gen sepse edhe Enver Hoxha e kishte në rreth të kuq veriun e konsideronte zonë armike. Ndaj dhe kjo foltore është për të shpëtuar familjen, s’është më vetëm e demokratëve, por e të gjithë shqiptarëve. Por kjo foltore është për shpëtimin e demokracisë’, tha ai.
Berisha tha se kryeministrin Edi Rama s’mund të ketë zgjedhje të lira.
Gjatë këtyre viteve ju kam deklaruar ju se me Ramën nuk ka zgjedhje. A mund të ketë zgjedhje kur me para të shqiptarëve organizon në periudhën e ndaluar me ligj 4533 aktivitet për të ndikuar tek zgjedhësit. A mund të ketë zgjedhje kur në mes të fushatës shpërndan 100 euro për pensionistët për të blerë votën. Me Ramën s’ka zgjedhje’, tha ai.
gijotina.com/
Discussion about this post