Kryetari i Partisë Demokratike, Sali Berisha, zhvilloi dje një takim me Dolors Montserrat, Sekretare e Përgjithshme e Partisë Popullore Evropiane (EPP), dhe Patrick Voller, Drejtor për Marrëdhëniet me Jashtë. Takimi u fokusua te situata politike, kriza e demokacisë dhe sfidat e sigurisë në vend.
Berisha vuri në dukje shqetësime mbi infiltrimin e mundshëm të aktiviteteve kriminale në strukturat shtetërore dhe ndikimin e tyre në ekonominë dhe administratën publike. Ai theksoi nevojën për monitorim të situatës dhe përpjekje për të siguruar zgjedhje të lira dhe të ndershme.
Sekretarja Montserrat shprehu shqetësimin për situatën në Shqipëri dhe garantoi mbështetje nga PPE për forcimin e institucioneve demokratike dhe procesin e zgjedhjeve. Takimi përfshiu gjithashtu diskutime mbi një vizitë të mundshme të përfaqësuesve të EPP-së në Shqipëri për të vlerësuar situatën në terren.
Berisha dhe deputetët e shoqërues, Albana Vokshi dhe Belind Këlliçi, theksuan angazhimin për mbështetjen e integrimit evropian dhe për forcimin e shtetit ligjor në vend.
Discussion about this post