Pasi ka dalë nga Kuvendi, ish-kryeministri Sali Berisha ka takuar aty jashtë banorët e “5 Majit”, të cilët i kanë kërkuar të ngrejë zërin për ta. Një nga banorët e cila, tentoi dhe të futej në Parlament, tha se tashmë ata kanë shpresë vetëm te opozita, pasi kanë mbetur në mes të katër rrugëve.
Në takimin me ta Berisha tha se ai gjithmonë e ka denoncuar prishjen e banesave si akt çnjerëzor. Sipas tij, kjo që po ndodh tregon se qeveria shkel ligjin dhe merr veprime antikushtetuse, ndërsa theksoi se gjithçka bëhet për të mbushur xhepat e Salillarit dhe oligarkëve të tjerë.
“Unë e kam denoncuar shumë herë si një akt çnjerëzor korruptim anti -kushtetues qëndrimin ndaj jush. Akti është duhet të asgjësohet ligji këtu pasi janë përfaqësuesit e niveleve të këtij Parlamenti Salillari dhe Kapllan Pallati ata që ndërtojnë kulla 30 katëshe dhe nuk pranojnë tu japin ju 10% të sipërfaqes që ju takon. Ky 10% është më i ulëti që u jepet pronarëve nga çdo kompani ndërtimi që zhvillon sot”, tha ai. Ndërsa theksoi se duhet të ngrihemi kundër kësaj qeverie që të mos lejojmë më ndodhi të tilla.
Discussion about this post