Kryetari i Partisë Demokratike, Sali Berisha ka zhvilluar një takim me kryesinë e partisë, ku në fokus të diskutimeve ka qenë diaspora dhe procesi i votimit nga ana e saj.
Duke folur në mbledhjen e kryesisë së PD, për votën e diasporës Berisha u shpreh se, “ky është një eveniment i jashtëzakonshëm, i një rëndësie shumë të madhe në historinë elektorale”.
Duke folur për kundërshtarin politik, kreu i PD-së u shpreh se, ata nuk kanë program, por vetëm mashtrime. “Nuk ofrojnë asgjë qytetarëve, përveç cinizmit të tyre, përveç përçmimit”, tha Berisha. Lideri i opozitës deklaroi në mbledhjen e kryesisë së PD se SPAK i anuloi masën e sigurisë për Erion Veliajn pasi “ai do të merrte edhe Ramën me vete”.
Kryedemokrati nuk la pa përmendur edhe monologun e Edi Ramës një ditë më parë.
“E vutë re ju dje. Të gjitha betimet e Edi Ramës, por nuk u betua dot se, nuk jam hajdut. Mua më beri përshtypje”, deklaroi Berisha.
Gjatë takimit me kryesinë e PD se Berisha u shpreh se, avokati kryesor i krimit elektoral është “skapi i partisë, edhe i vjedhjeve”.
Në fund të fjalës së tij, kryetari i Partisë Demokratike u ka bërë thirrje diasporës dhe emigrantëve kudo që janë, të regjistrohen në portalin e KQZ-së për të pasur mundësinë që të votojnë. Edhe pse janë konstatuar probleme me regjistrimin, Berisha u kërkoi atyre që të kenë durim dhe të kryejnë procesin e plotë.
Discussion about this post