Një ditë para referendumit të thirrur nga vet ai, ish-kryeministri Sali Berisha përmes një statusi në rrjetin social “Facebook” ka kërkuar nga komisionerët e qendrave ku do të zhvillohen votimet për shkarkimin e kreut të PD-së Lulzim Basha, që të përpiqen maksimalisht për të siguruar pjesëmarrjen e çdo anëtari të kësaj force politike.
“Drejtuar komisionerëve të Referendumit të Shpresës. Një përshendetje të përzemert të gjithë ju komisionereve dhe komisionerëve te qendrave te votimit. Këto orë që na ndajnë nga hapja e qendrave të votimit le të bëjmë përpjekjet me maksimale që të sigurojmë pjesëmarrjen e të gjithë anëtarëve të Partisë Demokratike në votim”, shkruan ai.
Basha gjithashtu ka theksuar se e rëndësishme për të është vota e lirë dhe transparenca e këtij procesi.
“Per ne, rëndësi përcaktuese dhe absolute në këtë festival të votës së lirë ka mbi të gjitha, transparenca e procesit dhe administrimi me korrektesë absolute i çdo vote. Në këtë referendum jetike është vota e lirë e anëtarësisë të PD! Suksese! sb.”
Kujtojmë se ky proces do të zhvillohet paralelisht me Kuvendin Kombëtar të PD-së, i thirrur nga kreu i PD-së Lulzim Basha.
Discussion about this post