Ish-kryeministri Sali Berisha në një deklaratë për mediat ka ftuar të gjithë qytetarët t’i bashkohen protestës së 7 korrikut. Berisha tha se bordet shushunja të Ramës kanë rritur çmimet.
“Mbarë qytetarët të bashkohen me ne në datën 7 korrik para kryeministrisë. Sytë e qytetarëve janë tek protesta e 7 korrikut.
Bordet po i pijnë gjakun shqiptarëve. Motivet e protestës janë të jashtëzakonshme. Bordet shushunja të Ramës kanë rritur çmimet. Populli shqiptar po injorohet nga kjo qeveri. Ky popull po injorohet nga regjimi autokratik i Edi Ramës, njësoj si në një diktaturë të vërtetë.
Akti i djeshëm në Parlament tejkalonte edhe imagjinatën. Dje, Edi Rama me ligj vendosi që qindra milionë euro të fituara duke pirë gjakun e qytetarëve shqiptarë me bordet shushunja, duke rritur çmimet në vend që tu riktheshin atyre që kanë problem kafshatën e gojës, Edi Rama i shpërndau me klientelën e tij”.”-tha Berisha.
Discussion about this post