Nga Vau i Dejës, një bashki e drejtuar prej 2019 nga Mark Babani, një person i afërt me kreun e PSD-në dhe që në vazhdimësi është denoncuar nga demokratët për tendera abuzivë prej dia miliona euro, lideri i opozitës Sali Berisha ka hedhur akuza të forta në drejtim të Tom Doshit.
Teksa prezantoi Zef Hilën si alternativa e duhur për të menaxhuar qytetin me resurse të larta në turizëm dhe bujqësi, Berisha iu drejtua Doshit duke thënë se del si hije kudo në bashkitë e vogla të qarkut Shkodër, pasi është votëblerësi më i madh aty.
Ish-kryeministri e sfidoi hapur Doshin duke i kërkuar që të tregojë punët dhe investimet e tij për banorët e kësaj zone, përveç faktit që shfaqet cddo palë zgjedhje me kandidatë dhe listë deputetësh për të vjelë vota me paratë e krimit dhe për llogari të kryeministrit Edi Rama.
“Isha në Fushë Arrëz, në Pukë, këtu, kudo si hije më del emri i Tom Doshit. Do të pyes pak këtu, Tom, hajde më thuaj këtu çfarë ke bërë ti për këta banorë? Unë jam njeri që respektoj lirin ë e tjetrit, por, emri yt në Fushë Arrëz, Pukë, këtu edhe në Shkodër qarkullon si votëblerësi më i madh, por ky është krim elektoral monstruoz. Vjen nxjerr lista deputetësh e kandidatësh, na thuaj pak çfarë ke bërë ti për banorët? I ke shërbyer xhepit dhe pasurisë tënde. Je një ushtar i të keqes, më mirë t’i shërbeje Vuçiçit. Duke i shërbyer Ramë për vota, ai të bën favore të tjera, dhe partinë e more nga një kriminel elektoral”, tha Berisha
Discussion about this post