Komisioni i Rithemelimit të Partisë Demokratike dhe mbështetësit e ish-kryeministrit, Sali Berishës u futën për sërish mesditën e sotme në selinë blu, ndonëse këtë herë mungonte Berisha. Belind Këlliçi ka lexuar shkresën e shkarkimit të kreut të PD-së, Lulzim Basha, ndërsa ka deklaruar se ky i fundit duhet të lirojë zyrën deri në datën 4 janar.
“Me anë të këtij komunikimi, ju ftojmë të njiheni me vendimin e PD dhe organeve më të larta të saj. Kërkohet nga ju që të merrni masat për zbatimin e vendimit të Kuvendit duke liruar ambientet e punës të kryetarit të Partisë dhe duke kryer dorëzimet përkatëse deri më 5 janar 2022. Refuzimi i vendimit të Kuvendit Kombëtar dhe i vullnetit të anëtarëve të PD që ratifikuan këtë vendim, do të na detyrojë të shndërrohemi në përbaruesin politik të zbatimit të këtij vendimi”, u shpreh ai.
Këlliçi u shpreh se demokratët po përballen me krizën më të rëndë të kaluar ndonjëherë në PD, ndërsa lexoi vendimin për shkarkimin e Bashës me argumentin se ka shkelur statutin.
“Demorkatët u përballën me krizën më të rëndë në parti. U përballën me krizën më të rëndë të identitetit të saj. Vendimi nr.6 datë 11 dhjetor 2021, vendosi shkarkimin e Bashës për thyerje të rënda të statutit të partisë” tha Këlliçi.
Discussion about this post