Kryetari i Partisë Demokratike Sali Berisha në një komunikim për mediat jashtë sallës së Kuvendit, iu drejtua kreut aktual të qeverisë Edi Rama me një ultimatum. Ai i kërkoi që të plotësonte urgjentisht kërkesat e pedagogëve dhe universiteteve. Berisha u shpreh se kjo greve është e sindikatës, duke u zotuar se PD do ta mbështesë deri në fund.
“I kërkoj Edi Ramës të plotësojë me urgjencë kërkesat e universiteteve. Ajo nuk është grevë e PD, por është grevë e sindikatës. PD do bëjë gjithçka për respektimin e kërkesave të tyre”, tha Berisha.
Ish-kryeministri u ndal po ashtu tek ngjarja ku humbi jetën 32-vjeçari. Sipas Berishës, ai është keqtrajtuar dhe dhunuar nga efektivët, ndërsa shtoi se Policia po gënjen mbi rrethanat, njësoj siç bëri në rastin e Klodian Rashës, i cili u vra gjatë pandemisë në Tiranë.
“Policia si gjithmonë gënjen, siç tha për Klodian Rashën,. Prisnin kur të thonë se atje ishte një revole. E kanë ndjekur se nuk paraqiti dokumentin, në një distancë, e kanë kapur, e kanë futur në makinë, janë sjellë shtazërisht me të dhe burimi thotë se në komisariat e kanë sjellë pa ndjenja ose të vdekur. Nuk kanë thirr autoambulancën, nuk e kanë dërguar drejt e në spital”, shtoi ai.
Discussion about this post