Lufta ndaj demokratëve u bë që mos të kishte opozitë në Shqipëri. Kvshtu u shpreh kreu demokrat Sali Berisha, duke iu drejtuar mijëra qytetarëve që iu bashkuan protestës që thirrur nga opozita në bulevardin “Dëshmorët e Kombit”.
Berisha tha se demokratët realizuan të pamundurën.
“Ky uragan madhështor që ka pushtuar Tiranën, ishte llogaritur që të mos ndodhte.
Bashkimi ynë në diversitet ishte llogaritur të mos ndodhte.
Dhe Shqipëria ishte llogaritur që sot, në vitin 2024, të ishte një vend pa opozitë. Jo një kështjellë e socializmit si dikur, por një narkoshtet pa opozitë në brigjet e kaltërta të Adriatikut.
E nisën kundër nesh bashkë këtë betejë dy vite me parë me dy fjalë famëzeza që përdorën si plumba kundër opozitës shqiptare, non-grata, një term i përdorur në të njëjtën mënyrë si dikur, armik i popullit.
Menduan se do na asgjësonin. Asnjë provë, asnjë fakt, asnjë dokument. Por gabuan!
Sot pas tre vitesh hetime intensive në Shqipëri dhe kudo në botë, nuk kanë gjetur asnjë provë, asnjë fakt, apo dokument të provojë akuzën e tyre të rreme.
Kurse vetëm katër ditë më parë, gjykata e Uashingtonit dënoi me 3 vjet burg McGonigalin, një lobist i korruptuar shpalljes time non-grata nga Edi Rama.
Fill pas kësaj na grabitën vulën e partisë, ndonëse dy palë zgjedhje, tre votëbesime ju kishit shprehur vullnetin tuaj. E ndaluan emrin e Sali Berishës në fletën e votimit. Na mohuan financat, na mohuan komisionerët në qendrat e votimit. Qeveria, mediat më të fuqishme, diplomatë dhe ambasadorë të korruptuar nga narkoqeveria u frynë qëllimisht zjarrit të përçarjes dhe konfliktit midis nesh.
Dhe së fundmi, njësoj si në Rusinë e Putinit, lideri i opozitës u arrestua si person nën hetim dhe u tentua t’i ndalohej fjala e lirë”, tha Berisha.
Kreu demokrat theksoi se këto ndodhën sepse Berisha denoncoi korrupsionin qeveritar dhe atë ndërkombëtar, duke mbrojtur interesin publik.
“Denoncova korrupsionin e Edi Ramës dhe qeverisë së tij si armikun më të egër të qenies së qytetarëve shqiptarë.
Të gjitha këto vetëm e vetëm pse mbrojta i palëkundur interesin e kombit shqiptar, denoncova projektet antishqiptare, por edhe antieuropiane, serbo-ruse, të Aleksandër Vuçiçit, argatit të tij Edi Rama, të mbështetura fuqimisht nga Sergej Lavrov, por jo më pak edhe nga Aleksandër Soros.
Dhe në fakt, për të gjitha këto sot, ne nuk duhej të ekzistonim politikisht.
E gjithë kjo luftë kundër nesh u bë që sot ne të ishim të përçarë, të ishim të shtrirë përtokë, që sot ne të mos ishim këtu. Që Shqipëria sot të mos kishte opozitë.
Por ne realizuam të pamundurën, ne realizuam atë që nuk e parashikonte asnjë njeri.
Asnjë opozitë në planet nuk do ekzistonte pas sulmeve barbare që u bënë ndaj ndesh. Siç nuk ekziston opozitë në Rusi, Bjellorusi, Iran apo Uganda ku janë marrë masa të të njëjta si këto kundër nesh”, tha Berisha.
Discussion about this post