Ish-kryeministri Sali Berisha ka vazhduar sulmin ndaj kreut të Partisë Demokratike Lulzim Basha, duke nxjerr detaje të tjera nga bisedat që ka pasur me kryedemokratin. I ftuar në emisionin “Zonë e lirë”, Berisha tha se para 3 ditësh, Basha e kishte kontaktuar me të dhe e kishte pyetur për dekriminalizimin dhe vendimin e mori pas marrëveshjes me Ramën.
“Pabesia njerëzore thyen çdo normë dhe çdo moral. Një akt të cilin e njoftoi 20 minuta para se të dilte. Ma tha në telefon. Unë i thashë diskutoje në mbledhje, por ai transmetoi videon para. Ka bërë gjithçka për veten e tij. Në funksion të interesit personal. Më mori në telefon 3 ditë para dhe më tha si do t’ia bëjmë sepse na nxjerr probleme ai ligji. Unë i thashë se nuk ka lidhje me një vendim pa prova. Foli me Ramën gjatë fushatës dhe i tha largo Berishën se merremi vesh bashkë,”-tha Berisha.
