Kryetari i Partisë Demokratike Sali Berisha ka akuzuar kryebashkiakun Erion veliaj ditën e sotme si hajdut. Gjatë një takimi me krerët e degëve në Tiranë, Berisha theksoi se Veliaj duhet të gjuhet me domate e vezë kudo që shkon. Berisha tha se bashkia do të jetë objekt i mosbindjes civile, ndërsa pohoi se degët e PD janë porositur për t’ja nxirë jetën kryebashkiakut.
“Ai duhet të gjuhet me vezë dhe domate kudo ku shkon. Degët e PD janë të prositura t’ja nxijë jetën këtij hajduti. Si mundet të dalë mbi Kushtetutën ky, dhe çfarë bën me paratë që ua merr qytetarëve? Na ndërton shkolla 6 milionë euro, 3 milionë euro. I vendos emrin Bashkim Fino, i vë emrin Petro Koçi apo ku di unë çfarë emrash ka vënë, Gramoz Ruçi. Të na falë Petroja se ndoshta s’ka shkollë me emrin e tij. Shkoni tek ndërtest që ka bërë për tërmetin, kotece. Absolutisht. Minimum 70% i ka vjedhur. Dega që ka lagjen e tij duhet të vendosë portretet e hajdutit të nxira në çdo ndërtesë”, tha Berisha.
Discussion about this post