Ish-Kryeministri Sali Berisha ka komentuar emërimin që iu bë Lulzim Bashës si raporter në Këshillin e Europës për sekuestrimin e aseteve ruse, që do të përdoren për rindërtimin e Ukrainës.
Pas mbledhjes së Grupit Parlamentar që drejtohej nga Gazment Bardhi, Berisha tha se Basha ka eksperincë me rusët, ndaj dhe Këshilli i Europës ia besoi këtë pozicion.
Në këtë mënyrë duket se Berisha ka thumbur Lulzim Bashën duke rikthyer në vëmendje akuzat për financimet ruse. Mediat amerikane vite më parë kanë publikuar dokumente duke ngritur akuza ndaj Bashës për një përfitim prej 500 mijë dollarë me origjinë ruse, gjatë kohës që ishte kryetar i PD-së.
Basha u hetua nga Prokuroria e Tiranës lidhur me akuzën e financimeve ruse, por dosja u mbyll duke pasur në të tjera akuza publike ndaj tij nga Berisha, që e konsideroi si një lojë të Edi Ramës, që mbante peng Bashën lipërisht me këtë dosje.
Discussion about this post