Sot Partia Demokratike ka hapur votimin për zgjedhjen e anëtarësisë së këshillit Kombëtar. Fotot e mëposhtme janë nga votimi në Kuvendin Kombëtar të Partisë Demokratike. Në këto momente ka votuar ish-kryeministri Sali Berisha për anëtarët e Këshillit. Në përfundim ai ka dhënë një prononcim për mediat ku tha se ky proces tregon se punimet e Kuvendit u mbyllën me sukses dhe tashmë PD është drejt ringritjes. Ai tha që pjesë e kësaj anëtarësie do të jenë ata që me vite kanë dhënë kontribut në PD, por edhe fryma të reja që partia ka nevojë.
“Ju po asistoni në procesin e votimit të Këshillit Kombëtar, i cili në përbërë ka qendër një nga themeluesit e ditëve të para të PD, tek anëtarët më të rinj të saj. Në qendër ka militantë dhe veprimtarë të pamposhtur por dhe intelektualë të shquar. Ky proces shënon dhe përfundimin e punimeve të Kuvendit me sukses të plotë, siç theksova në fjalën time, mund të quhet Kuvendi i fundit i kryetaro-kracisë. Vendosi një elitë të re në PD, e tëra e zgjedhur me një anëtar, një votë. Vendosja e këtij modeli në përfaqësim mendoj se ka një rëndësi të jashtëzakonshme që anëtarët e PD të ndjehen të përfaqësuar”, u shpreh Berisha.
Discussion about this post