Ish-kryeministri Sali Berisha ka votuar sot për shkarkimin e Lulzim Bashës si kryetar i PD-së. Ai i është drejtuar vendit të votimit, ku ka hedhur votën e tij të fshehtë në një prej kutive, ndërsa ka përshëndetur edhe me dy gishta.
Shkarkimi i Bashës po zhvillohet në mënyrë të fshehtë, ndryshe nga sa u veprua me miratimin e ndryshimeve në statut, me shkarkimin e sekretarit të Përgjithshëm dhe të tre nënkryetarëve.
Ndërsa delegatët votojnë për shkarkimin e tij, nga ana tjetër, Lulzim Basha po zhvillon një ceremoni në selinë blu me rastin e 31-vjetorit të themelimit të PD, ku i bëri thirrje demokratëve të mos turbullohen nga e shkuara, referuar Berishës.
Kujtojmë se Berisha thirri Kuvendin e PD-së, për të shkarkuar Lulzim Bashën nga detyra e kryetarit, ndërsa ka deklaruar se do të kandidojë për drejtues të kësaj partie.
Discussion about this post