Ish-kryeministri Sali Berisha, në ditën e 84-t të tubimit poshtë banesës së tij, tha se beteja e PD është “pa kthim” dhe “shpëtimtare për mbarë shqiptarët”.
Berisha tha se, monedha europiane nuk ngre krye në Shqipëri për shkak të trafiqeve dhe drogës. Ai tha se këtë rrëzim e pëson xhepi, rroga dhe jeta e çdo shqiptari.
Kryetari i Partisë Demokratike deklaroi se industria e ndërtimit po shkon drejt një krize falimentimi. Sipas kryedemokratit, Tirana është kryeqyteti me më shumë banesa bosh se i gjithë Ballkani bashkë.
Kryetari i Partisë Demokratike deklaroi se, Jorgo Goro ndodhet në burg sepse nuk mundi dot Belerin në zgjedhjet e 14 majit. Berisha theksoi në fjalën e tij se, Olta Xhaçka qëndron në parlament si një monument korrupsioni për aferën në Himarë.
Berisha shtoi se narkoerot po falimentojnë fermerët në mbarë vendin. Ai u shpreh se narkoeuro apo paraja e drogës, e bën krejtësisht të paleverdishëm eksportin.
Kryetari i Partisë Demokratike theksoi se Edi Rama do të dënohet si Charles McGonigal. Berisha deklaroi se, Edi Ramën atje në SHBA nuk e mbron dot as Damani, Kraja as Gjoka dhe asnjë tjetër.
Discussion about this post