Nuk ka ironi apo parodi më të madhe. Kështu e ka konsideruar kreu i PD-së, Sali Berisha ngritjen nga Rama të Komisionit të Posaçëm anti-korrupsion.
Duke e konsideruar si “komisioni Xhafa”, Berisha tha se është një përpjekje e turpshme për të mashtruar shqiptarët se fajin nuk e ka Edi Rama, ministrat dhe qeveritarët e tij që vjedhin ditë e natë, por fajin e ka korrupsioni.
Berisha tha se sot ishte dita e mashtrimit dhe turpit në Parlament, duke iu referuar miratimit të këtij Komisioni të Posaçëm, në të cilin Rama do vendosë në krye Fatmir Xhafajn, vëllain e trafikantit Geron Xhafaj.
“Xhafaj është një hajdut i lindur. Hidhni sytë tek kullat e Xhafës, që ngrihen mbi drogën e Geronit në Tiranë, Vlorë, Pogradec dhe kudo.” – tha Berisha duke iu referuar vëllait të Xhafajt”, tha ndwr tw tjera Berisha.
“A ka tallje më të madhe për qytetarët? A ka cinizëm më të madh? Sot parlamenti votoi për komisionin gjethe fiku, që kërkon të bindë shqiptarët se hajdutët nuk do vjedhin më, se nuk kanë ata faj për vjedhjet, por i ka korrupsioni. Edhe njëherë u përsëris miq, se për hajdutin ka një ligj, sa më shumë vjedh, aq më shumë do të vjedhë. Edi Rama me komisionin mendoi se do u vërë kapak vjedhjeve të tmerrshme, të përditshme. Do u vërë kapak vjedhjeve 100 përqind nga Erion Veliaj dhe drejtorët e tij. Kështu që ai u thotë qytetarëve se nuk janë hotelet dhe pallatet e ndërtuara me paratë e vjedhura, por fajtor është korrupsioni ndaj dhe ne do e ndëshkojmë me komisionin Xhafa.
Xhafa që është një hajdut i lindur. Hidhni sytë tek kullat e Xhafës, që ngrihen mbi drogën e Geronit në Tiranë, Vlorë, Pogradec dhe kudo. Komisionit i vuri edhe emrin ‘i mirëqeverisjes’. Në fakt komisioni maskë i qeverisjes më të keqe, më hajdute, më antishqiptare që ka ekzistuar në të gjitha kohërat. Kurrë mos harroni shqiptarë se janë vjedhjet e Edi Ramës, se janë vjedhjet e klanit të tij familjar, vjedhjet e ministrave dhe qeveritarëve të tij vendorë, themeli i shpopullimit mizor të Shqipërisë. Largimit në 10 vite të 1.1 milion shqiptarëve. Renditjes së Shqipërisë fill pas Sirisë në dëbimin, largimin e të rinjve nga ky vend”, u shpreh ai.
Discussion about this post