Ish-kryeministri Sali Berisha e ka konsideruar “mafizoze dhe monstruoze” skemën e funksionimit të call centera-ve të bitcoin në Shqipëri.
Berisha akuzoi kryeministrin Edi Rama dhe vëllain e tij se qëndrojnë pas kësaj afere duke thënë se qytetarëve evropianë u janë vjedhur 2.2 miliardë euro. Berisha shkoi më tej duke thënë se disa polici të vendeve europiane kanë ardhur në Tiranë për të hetuar, por po pengohen nga SPAK.
“Është një person super ekspert që është i specializuar në konvertimin bitcoin në para kesh për të ndërtuar kullat e Alabarit. Ky person nuk është i vetëm, çfarë ndodh me bitcon ku shkon bitcoin, përfundojnë të depozituara në Emiratet e Bashkuara, edhe këto që disponon rrjeti Rama-Josifi, Rama-Olsi bën protektorin, u thuhet jeni të lirë nuk ju prek njeri. Kanë kontraktuar ata të bursës tek kjo tjetra se qeveria na mbron dhe SKAP-i i partisë merret me atë hetim, këtu nuk hyn dot SKAP-i nuk troket dorë. Teprica e bitcoin, që u mbetet rrjetit mafioz Rama-Josifi përfundon në depozitat në Dubai, se në banka nuk hyjnë dhe sa është gjer tani vjedhja 2.2 miliardë euro. Një çështje tjetër madhore del në horizont. Disa polici të vendeve Evropiane janë stacionuar në Tiranë për të hetuar 2.2 miliardë euro plaçkitje të qytetarëve evropianë nga call center në Shqipëri sipas të gjitha burimeve janë nën mbrojtjen e Olsi Ramës. Ka nisur një hetimi call center që nëpërmjet telefonatave ftonin investitorë të investonin në bursë, veprimtari e palejuar në Evropë, por nëse ky hetim nga SKAP-i i partisë vazhdon janë nën mburojë të plotë të call ceneter që kryejnë një veprimtari të tmerrshme kriminale të një lloji tjetër, një grabitje monstruoze e qytetarëve Evropianë, dhe kjo grabitje bëhet në bitcoin. Këto qendra nuk kontrollohen as nga SKAP-i as nga kurrkush. Armand Qosifi është kreu i meduzës së kësaj afere, u kërkon qytetarëve të blejnë bitcon u zotohen se nëse i blejnë me 5 mijë ose 20 mijë sa është vlera, këta i konsiderojnë me një vlerë prej 20% më të lartë. Qytetarët evropianë dje kanë një aplikacion ku iu thonë ju do blini bitcoin dhe do e vendosni në kuletën digjitale. Ata e bëjnë dhe i vendosin në kuletën e hajdutëve, ata kujtojnë se i kanë por në fakt nuk kanë më asgjë. Janë me emra dhe mbiemra, është çështje në zhvillim. Këto bitcoin, trafikantët u ofrohen këtyre”, tha Berisha.
Discussion about this post