Nga salla e Kuvendit, ish-Kryeministri denoncoi shpalljen të pafajshëm të Alqi Bllakos lidhur me inceneratorin e Elbasanit, për të cilin GJKKO shpalli vendimin duke dënuar ish-ministrin e Mjedisit, Lefter Koka.
Berisha tha se Alqi Bllako u lirua për shkak të Erion Veliajt. “A e morët vesh që Alqi Bllakon e liruan? E liruan për shkak të Erion Hajdutit. E liruan për shkak të Erion Veliajt. Sepse ka zbatuar skemën më kriminale 1-miliardëshe.
Dhe mirë ia bënë Lefterit, shumë mirë ia bënë, që nuk i nxjerr të gjitha”, tha Berisha.
Në vijim ish-Kryeministri shtoi se institucionet ndërkombëtare thonë se 90 përqind janë zhdukur paratë, ndërsa pyeti deputetët: ku janë 200 milionë euro të taksapaguesve? Ku janë?
“Po si mund të recitoni këtu? Ju sikur pini drogë.
Unë nuk mund të perceptoj njerëz me arsye që mund të flasin në këtë platformë në këtë mënyrë.
Të gjitha këto janë të vërteta”, tha Berisha.
Edhe më herët në konferencat për mediat kur denonconte aferën e inceneratorit të Tiranës, Berisha kishte paralajmëruar lirimin nga akuzat për Alqi Bllakon, ish-Sekretarin e Përgjithshëm të Ministrisë së Mjedisit dhe ish-deputetin e PS-së, duke e cilvsuar si njeriun më të besuar të Erion Veliajt.
Discussion about this post