Ish-kryeministri Sali Berisha ka akuzuar kryebashkiakun e Librazhdit, Kastriot Gurra se është përfshirë në trafikun e drogës. Sipas Berishës, makina e tij ka transportuar drejtë Maqedonisë dhe Kapshticës rreth 300 kilogram drogë.
Gjatë një konference për mediat, ku komentoi ndër të tjera edhe marrëdhëniet me SHBA, Berisha bëri dhe akuzën e fortë për kreun e Bashkisë së Librazhdit.
“Këtu erdhi në një udhëtim Mike Pompeo, ishte lënduese për reputacionin e miqësisë midis dy vendeve, kur atë e pritën dy mafiozë të damkosur Taulant Begojaris me Alket Hysenin, dhe gjithçka, mendoj se zonja ka përgjegjësi. Alket Hysenin e kanë larguar nga partia si mafia e trojeve të Sarandës. Edhe kjo makina e fundit, makina e Kastriot Gurrës bënte trafik për llogari të këtyre dyve, çdo ditë sipas një burimi, 300 kg nxirrte në Maqedoni ose Kapshticë. Sipas një qytetari dixhital. A mundet që konferenca e 100 vjetorit dhe kjo e detyroi sekretarin që në njoftimin e tij t’i bënte vizë këtyre takimeve, tha takova vetëm përfaqësuesit e opozitës iraniane”, tha Berisha ndër të tjera.
Discussion about this post