Në foltoren e mbajtur sot nga ish-kryeministri nuk kanë munguar akuzat ndaj qeverisë, sipas të cilit po mundohet të “konfiskojë” selinë blu, duke frikësuar Bashën.
Berisha “zbuloi” planin e Ramës, ndërsa e paralajmëroi se duhet të kujtohet mirë se ka zyrë dhe seli partie dhe duhet të jetë i bindur që nuk mund ta mbajë kurrë peng PD-në dhe kryetarin e saj.
“Jemi për ti thënë Edi Ramës, për ti dhënë ultimatum Edi Ramës nga Fushë-Kruja, mos mendo se mund të konfiskosh shtëpinë e demokratëve në Tiranë. Kujtohu mirë se ke zyrë dhe seli partie, dhe i bindur të jesh ti se nuk mund të mbash kurrë peng selinë e PD-së me peng-kryetarin. Ndaj dhe të heqi dorë nga lojërat e turpshme, primitive, me pluralizmin shqiptar”, tha Berisha.
Berisha, ndër të tjera ka vijuar me akuzat ndaj qeverisë, duke u shprehur se “Edi Rama erdhi në pushtet duke bashkuar qelbësirat e të gjitha llojeve, ne do të bashkojmë kontributet e njerëzve punëtor, atdhetar, që duan interesin kombëtar. Njerëz që nuk përkulen, që siç përmbysën diktaturën komuniste të përmbysin narko-shtetin në Shqipëri”.
Discussion about this post