Kreu i Partisë Demokratike, Sali Berisha përmes një postimi në Facebook shkruan se shqiptarët po vaksinohen me doza të skaduara të Pfizer. Teksa publikon denoncimin e një mjeku, Berisha shkruan se pavarësisht se vaksinat janë të skaduara vaksinimi i qytetarëve vijon normalisht.
Duhet thënë se në vendin tonë numri i vaksinave që kryhen është shumë i ulët, ndërkohë që nuk ka pasur transparencë deri tani për kohën e skadimit të tyre, dhe as numrin e saktë të dozave që mbahen në ambientet e ISHP-së.
“Një akt i papërgjegjshëm dhe i rrezikshëm për shëndetin e njeriut!
Të dashur miq, në një akt të papërgjegjshëm dhe me rrezik për jetën e njerëzve, Ministria e Shëndetësisë ka urdhëruar përdorimin e vaksinave anti-covid të skaduara, duke rrezikuar kështu jo vetëm mbrojtjen e të vaksinuarve nga virusi, por duke sjellë edhe pasoja të tjera të rrezikshme nga substancat e skaduara.
Dënoj me ashpërsinë më të madhe këtë akt të papërgjegjshëm të qeverisë dhe i bëj thirrje qytetarëve të mos pranojnë të vaksinohen me vaksina të skaduara.
Lexoni më poshtë denoncimin e mjekut dixhital. #sb
Përshendetje dr po ju informoj se jemi urdhëruar të vazhdojme vaksinimin me lotin e vaksinës Pfizer që ka skaduar në Korrik dhe sipas urdhërit duhet që këtë lot ta përdorim gjër në tetor.”-shkruan Berisha.
Discussion about this post