Ish-Kryeministri Sali Berisha akuzoi Kryeministrin Edi Rama se po përgatit atë që e quajti si atentatin më të rëndë në historinë 32-vjeçare ndaj pluralizmit, ti emërojë opozitës përfaqësuesin e saj.
Berisha tha se Rama po përgatitet të marrë përsipër përdorimin e votave për ti emëruar opozitës përfaqësuesin e saj.
“Opozita është e vendosur të qëndrojë në të drejtën e saj si opozitë dhe në mbrojtje të opozitarizmit.
Opozita është e vendosur të qëndrojë në mbrojtje të votës, të të gjithë atyre që votuan kundër kësaj qeverie dhe për opozitën”, tha Berisha.
Kur thoni se Edi Rama po bën përpjekje për të përcaktuar përfaqësuesin e opozitës, e keni fjalën për të zëvendësuar kryetarin e grupit parlamentar Gazment Bardhi me të deleguarën e Lulzim Bashës. Dhe nëse po çfarë diskutuar për të kundërshtuar…
Sali Berisha: Edi Rama nuk njeh ligj, nuk njeh kod moral, nuk njeh kushtetutë, nuk njeh asnjë normë. Në këtë aspekt ju garantoj se është i aftë të propozojë çdo vendim dhe të urdhërojë çdo vendim.
Cili është interesi i Ramës në këtë rast?
Sali Berisha: Interesi i Ramës është pushteti absolut. Kaq është.
Berisha, ju thoni se kryeministri nuk njeh asnjë normë, asnjë ligj. Përse duhet të vijojë opozita të qëndrojë në parlament?
Sali Berisha: Unë nuk jam që të bojkotohet parlamenti, duhet të vazhdojë betejën e gjithanshme.
Discussion about this post